Н.Нарангэрэл
Байгалийн нөөцийн менежментийн зөвлөх
Н.Нарангэрэл Байгалийн нөөцийн менежментийн зөвлөх © TNC
МЭРГЭЖЛИЙН ЧИГЛЭЛ
Байгалийн нөөцийн менежмент, Экологи
Намтар
Н.Нарангэрэл нь Байгалийн нөөцийн менежментийн зөвлөхөөр ажиллаж байна. Тэрээр Нутгийн иргэдийн манлайлсан байгаль хамгаалал болон Байгаль хамгаалал 30 30 төслүүдэд нөхөрлөлийн болон хамгаалалттай газрууудын менежментийн төлөвлөгөө боловсруулах, сургалт явуулах зэрэгт дэмжлэг үзүүлэн ажилладаг юм.
Н.Нарангэрэл нь байгаль хамгааллын экологич мэргэжилтэй, Хөдөө Аж Ахуйн Их Сургуульд баклавр, магистрын зэргээ хамгаалсан. Хустайн Байгалийн Цогцолборт Газарт 2011-2023 оны хооронд ажилласан бөгөөд ажиллах хугацааны эхний таван жилд Хустайн Байгалийн Цогцолборт Газарт сэргээн нутагшуулж буй тахийн зан төрх, амьдрах орчны сонголт, хамгааллын менежмент зэрэг судалгаанд голлон анхаарч ажилласан бөгөөд олон улсын эко-сайн дурын ажилтануудыг 10 жил гаран координац хийсэн туршлагатай.
Хустайд ажиллаж байх хугацаандаа Япон улсад зэрлэг амьтны халдварт өвчин, түүний менежментийн сургалтанд хамрагдаж байсан бөгөөд зэрлэг амьтан барих, сансарын дохиололтой хүзүүвч зүүх чиглэлээр Миннесота амьтны хүрээлэнгийнхэнтэй хамтран ажиллаж нийт 12 чоно хүзүүвчилсэн байна.
Мөн Денверийн амьтны хүрээлэнгийн байгаль хамгаалалын биологийн богино хугацааны сургалтад мөн хамрагдаж байсан. Байгаль хамгаалаллын ажил нь зөвхөн судалгааны ажлаар хязгаарлагдахгүй хууль эрх зүй, менежмент, нийгэм эдийн засаг зэрэг олон цогц салбарын уялдаа болохыг Хустайд ажилласан сүүлийн 5 жилдээ илүү анзаарч байгаль хамгааллын менежмент, байгалийн нөөцийн хамтын менежмент чиглэлийг түлхүү сонирхож эхэлсэн юм.
Зориг сангийн “Цаасны хаягдлыг дахин боловсруулах” богино хугацааны төсөлд 2015 зохицуулагчаар ажиллаж байсан. Мөн 2022 онд АНУ-ын төрийн департаментийн санхүүжилттэй мэргэжилтэн солилцооны хөтөлбөрийн тэтгэлэгээр АНУ, Колорадо Мужийн Их Сургуульд “Сургалтын замаар нутгийн иргэдийн оролцоог байгаль хамгаалалд нэмэгдүүлэх нь” сэдэвт бичил төслийг хэрэгжүүлсэн. Мөн CCNet-ийн сургагч багшаар бэлтгэгдэж Монгол дахь сургалт зохион байгуулах ажилд идэвхитэй оролцдог.